ITEC 國際美容師

讀了一年的ITEC 國際美容師課程, 終於取得證書了，今次又取到MERIT 的優異成績。

我這個人讀書唔叻(包括讀香薰課程)，唯有將勤補拙，努力温習及練習。

讀這個課程，最難是皮膚分析後的產品推介，因為我冇用街貨好多年，但又要推介街貨，天然的材料又不符合考試要求，所以好難。而練習時又要用街貨，令我本來好潔淨的皮膚增添了一些化學物質，所以放學後就立即去沖涼洗面。

另外就是要學習指定的面部按摩28式，我就買了一個“陳太”的公仔頭，一有空就練習，考試前更每天找呀女做model 俾我練習，所以真係一分耕耘，一分收穫㗎！

其實我做每件事都係好勤力咁去做，希望能做到最好。