精油處理傷口

昨天去睇皮膚科醫生，因為塊面同頸都有扁平疣，醫生好詳細解釋原因，其實我生咗廿幾年又清咗一次，又讀過生理解剖學，都好清楚原因及處理方法，但見個醫生一定要解釋，咁就要扮學生細心聆聽，最後要用電灼，唔係用laser(有Ｄ失望，因為之前試過呢個方法係唔得嘅), 一場去到又唔即刻做，冇乜病人在等，係都要我另約時間賺多一次診金(公司俾嘅), 希望佢可以成功治理我的疣。

佢話面的傷口要一星期，頸的傷口要兩星期復原，我要再證明如果用精油，４天便能使傷口復原。因為我上次幾年前自己俾錢做laser 冇搽醫生藥膏，成面花晒, 全程用SOS 配方(德芳Monika老師原配方: 薰衣草, 永久花, 岩玫瑰 1:1:1)，４天便痊癒。