用精油對付感冒的方法

以下是我的朋友(資深精油用家)用精油對付感冒的方法 (內容有些刪去, 因不適合對精油不太認識的朋友)

我一感親會不停打2日乞嚏,甩晒皮架. 我習慣用半杯熱水,滴進1滴羅文莎,大力吸聞蒸氣.會好勁通鼻,再搽1-2滴在頸部氣管位(可加其他精油), 跟住因為寒寒的,知係冷感,所以後來煲d薑水,加了滴摩洛哥香桃木,聞完休息.依家咩事都無喇

我感冒只會流鼻水,起勁打乞嚏.好少有其他;無痰咪唔用尤加利.薰香淨化空氣就會用澳洲尤加利/史密斯尤加利. 抗流感澳洲尤加利可能優於藍膠尤加利,但化痰藍膠尤加利會好D,不過會影響睡眠,所以唔會夜晚用.

摩洛哥香桃木已含蠻高酯類,所以無須用薰衣草.兩隻香桃木氣味柔和,真係幾好用架;強勁D配野馬鬱蘭都係好好.其實冷親感冒泡熱水浴會好得更快.

鼓勵大家試吓做個芳香小護士; 流感當道袋枝羅文莎傍身無壞,真係好油,價廉物美~

PS.6歲以下/氣管敏感就唔用藍膠尤加利,其他好d

註: 我自己好少用香桃木，多數是羅文莎葉加尤加利再加薫衣草，下次試下轉配方，但當晚加埋按摩同擴香就更加好，薰香可防止家人受你感染。