INFUSED OIL 浸泡油
藥草油HERBAL OILS
藥草油或稱為浸泡油的萃取方式有兩種:
工業萃取法
日光萃取法 (最簡單的方式,在家裡就可以直接進行)
不論用哪一種方法,原始植材一定得要用最好的,植物基底油也是一樣. 品質優良的有機葵花油是不錯的基底油選擇.
方法 :
用消毒了的闊口玻璃罐(可用酒精,滾水煲吓,或者入微波爐,紫外光,抹乾肯定無水氣先用),類似蜜糖/意粉醬罐,放入新鮮的花草40%或乾花約20%,加入油.每日放日照下, 讓陽光熱力逼出精華,2-3星期後, 用篩鋪紗布灑出,載入深色樽貼上日期, 亦可濾出舊花,重覆加入新花再浸, 功效更好.
浸油多數用洋甘菊和金盞花, 可用甜杏仁油,好過葡萄籽油或橄欖油, 因穩定性佳, 荷荷芭油最正, 最可保存得耐, 但很貴, 唔化算, 外國多用葵花籽油, 因含維他命e,對保存有益.
金盞花(金黃色,似萬壽菊咁,在賣花茶的地方有售), 浸油對皮膚最有用,金盞花浸泡油對於皮膚乾裂、濕疹、過感、尿疹、發炎、消腫、舒緩血液循環等等都有功效.
對於治療疾病,可索性用適量金盞花/洋甘菊浸油+月見草油,(加入含高量天藍烴azulene的德國洋甘菊會更好)直接搽在患處,可舒緩乾燥痕癢.
亦可只加入純正天然蜂蠟,以油:蠟=5:1隔水加熱溶化蠟,稍涼加入精油,製成油膏狀使用,質感類似薄荷膏咁,薄咁搽一層就ok
其他浸油有薰衣草, 迷迭香, 可用來涼拌或煮食. 用紅條紫草浸油可做紫雲膏.今天看報紙有中醫用甘草浸油,道理也是一樣.
今天亦浸泡 3 罐油 : 橄欖油 + 金盞花 , 橄欖油 + 薰衣草 , 橄欖油 + 紫草 . haha~
ReplyDelete[版主回覆02/25/2012 12:14:48]期待你的製品。
請問一下, 我浸泡了金盏花油, 超過二個月有多, 用時, 發覺氣味很怪, 我是否泡得太久? 還能用嗎?
ReplyDelete[版主回覆09/19/2012 19:27:07]是否將油隔出還是連油帶花放了2個月？花材浸著油放得太久，有機會有怪味。若未隔油，快些隔出油放在深色玻璃樽，油未變益味，代表油未氧化，還可以用，只要不怕怪味就可以。若不能忍受怪味，用油來打皀，不必浪費，因為現在油價很貴。
YM, thank you! 是連油帶花的, 剛泡二個星期時有用過, 油還帶有花的清香, 我以為可以一直泡下去, 結果最近要用時發覺變咸魚味, 好怪! 我諗真的要用來打皂算了, 不過我好懶做皂..
ReplyDelete[版主回覆09/20/2012 19:52:31]快d襯宜家天氣乾燥用來打皂，另外可先油來按摩身體，隔一陣去沖涼，便可護膚之餘又冇異味。
唔駛沖乾淨就用黎按摩? anyway, 多謝你share你心得
ReplyDelete[版主回覆09/21/2012 12:17:16]係呀, 秋冬天身體都不會太唔乾淨.
我買過幾隻牌子嘅金盞花, 最近一隻聞到淡淡的蜜糖味, 覺得好驚喜,但唔知道咁樣係唔係正常。生暗瘡，早晚各很薄地搽咗一次，感覺幾好。想問有蜜糖味是否正常？
ReplyDelete沒有聽過有蜜糖味的金盞花浸泡油. 金盞花本身可輕微消炎, 所以對暗瘡也有些效用, 但多用在敏感或濕疹皮膚
ReplyDelete